Hodinihina mandritra ny herinandro: Jao. 2:1-11; Jao. 4:46-54; Jao. 5:1-16; Mar. 3:22,23; Mat. 12:9-14; Jao. 5:16-47.

.

Tsianjery: "Ary nisy famantarana maro hafa koa nataon'i Jesosy teo imason'ny mpianatra, izay tsy voasoratra amin'ity boky ity; fa voasoratra izao, mba hinoanareo fa Jesosy no Kristy, Zanak'Andriamanitra, ary mba hanananareo fiainana amin'ny anarany, raha mino hianareo." - Jao. 20:30,31

.

Nahoana i Jaona no nanoratra ny filazantsarany? Naniry ny hanasongadina ireo fahagagana nataon'i Jesôsy ve izy? Sa niriny ny hanasongadina ireo fampianarana manokana nataon'i Jesôsy? Inona no antony nanoratany пу zavatra nosoratany?

.

Teo ambany herin'ny Fanahy Masina sy ny hery miasa mangina avy Aminy no nanazavan'i Jaona ny anton'izany. Nambarany fa na dia mbola betsaka aza no azo nosoratana mikasika ny fiainan'i Kristy (Jao. 21:25), dia nosoratany kosa ireo tantara ireo "mba hinoanareo fa Jesosy no Kristy, Zanak'Andriamanitra, ary mba hanananareo fiainana amin'ny anarany, raha mino hianareo." - Jao. 20:31.

.

Hojerentsika mandritra ity herinandro ity ao amin'ny filazantsaran'i Jaona ny sasany amin'ireo fahagagana voalohany nataon'i Jesôsy manomboka amin'ny fanovana ny rano ho divay nandritra ny fampakaram-bady anankiray ka hatramin'ny famerenana amin'ny laoniny ny fahasalaman'ny zanakalahin'ny olona iray izay narary mafy ary koa ny fanasitranana ny lehilahy iray tao amin'ny farihin'i Betesda.

.

Antsoin'i Jaona hoe "famantarana" ireny fahagagana ireny. Tsy ny takela-by famantarana eny an-dalana tsy akory no tiany hambara amin'izany fa toe-javatra isehoan'ny fahagagana izay manondro zava-misy lalindalina kokoa: i Jesôsy amin'ny maha-Mesia Azy. Hitantsika ao amin'ireny tantara ireny ny ohatra ny amin'ireo olona izay naneho asa mitory finoana. Ary manasa antsika hanao toy izany koa ny ohatra nasehon'izy ireo.

Vakio ny Jao. 2:1-11. Inona ny tamantarana nataon'i Jesõsy tao Kana, ary ahoana no nanampian'lzany an'lreo mplanany hino Azy?

.

Miara-manaiky ny filazantsara efatra fa maty tamin'ilay andro antsoina hoe "Fiomanana" i Jesôsy (Mat. 27:62; Mar. 15:42; Lio. 23:54; Jao. 19:14,31,42). Manazava ny ankamaroan'ny mpandinika fa manomboka amin'ny filentehan'ny masoandro Alakamisy hatramin'ny filentehan'ny masoandro Zoma io andro io. Ny harivan'ny Zoma i Jesôsy no maty, ary nalevina haingana Izy tsy ho tratry ny filentehan'ny masoandro.

.

Nitsahatra tao am-pasana ny Tompo nandritra ny Sabata, ary ny mpianatr'i Jesôsy rehetra koa nitsahatra. "Ary tamin'ny Sabata dia nitsahatra ihany izy araka ny laiàna."- Lio. 23:56. Ho hafahafa tokoa izany fihetsika izany raha toa i Jesôsy ka nampiditra tao an-tsain'ny mpianatra fa tsy zava-dehibe ny fitandremana ny Sabata.

.

Ny alina, rehefa afaka ny Sabata, dia nividy zava-manitra ireo vehivavy ary nankany amin'ny fasana ny Alahady maraina mba hamita ny fanatanterahana ny fombafombam-pandevenana. Mazava loatra fa tsy tao intsony i Jesôsy!

.

Porofo nandrisika ny fanapahan-kevitr'ireo mpianatra ny hanaraka an'i Jesosy ny fahitana an'i Jesõsy nanao fahagagana tamin'ny nanovany ny rano ho divay. Ahoana moa no tsy inoana fa famantarana lehibe manondro ny maha-avy amin Andriamanitra Azy izany? (Azo heverina fa tsy mbola nahatakatra ny maha- Andriamanitra Azy izy ireo tamin'izany).

.

Mpitarika ny Isiraelita i Mosesy, ary nitondra azy ireo nivoaka an'i Egipta tamin'ny "famantarana sy fahagagana" Deo. 6:22; Deo. 26:8. Izy no nampiasain Andriamanitra mba hanafaka ny Isiraely tamin'ny tanan'ireo Egiptianina. (Azo lazaina ho "mpamonjy" azy ireo izy tamin'izany).

.

Naminany tamin'ny alalan'i Mosesy Andriamanitra ka nilaza fa hisy mpaminany ho avy izay tahaka azy (Mosesy). Nasain'Andriamanitra nihaino an'io Mpaminany io ny Isiraely (Deo. 18:15; Mat. 17:5; Asa. 7:37). I Jesõsy io "mpaminany" io ary naneho ny famantarany voalohany Izy ao amin'ny Jao. 2, izay mampitodika amin'ny fanafahana ny zanak'lsiraely tao Egipta.

.

Sady namelona an'ireo Egiptianina ny onin'i Neily no andriamanitra nivavahany. Niantefa tamin'io renirano io ny anankiray tamin'ireo loza avy amin'Andriamanitra - ny nanovana ny rano ho ra. Nanao fahagagana nanam-pitoviana tamin'izany i Jesôsy tao Kana; tsy novany ho ra kosa anefa ny rano fa novany ho divay.

.

Siny enina izay nampiasaina ho amin'ny fanadiovana araka ny fombafomba jiosy no nasiana ny rano; nampifandray ilay fahagagana bebe kokoa tamin'ireo lohahevitry ny famonjena ao amin'ny Baiboly izany. Ny fitantaran'i Jaona ny nanovana ny rano ho divay, izay mampitodika ho amin'ny fanafahana ny zanak'Isiraely, dia manondro an'i Jesôsy ho Mpanafaka antsika.

.

Inona no noheverin'ilay mpandahatra ny fanasana momba ny divay tsy nialona andro avy tamin'i Jesōsy? Gaga aoka izany izy noho ny hatsaran'ilay zava-pisotro, ary noho ny tsy fahafantarany ny fahagagana nataon'i Jesôsy dia noheveriny fa notehirizina ho amin'ny farany ny divay tsara indrindra.

.

Samy antsoina amin'ny teny grika hoe oinos ny ranom-boaloboka vaovao sy ny efa niotrika (jereo ny Seventh-day Adventist Bible Dictionary, t. 1177). Nambaran'i Ellen G. White fa tsy nisy alkaola ny ranom-boaloboka vokatr'ilay fahagagana (jereo ny "Teo amin'ny fanasana fampakaram-bady" ao amin'ny IFM, t. 143). Tsy isalasalana ny fitalanjonan'ireo izay nahalala ny amin'ny zava-nitranga tamin'io fotoana io.

.

Inona ny antony anarahanao an'i Jesôsy? (Marobe ny antony nomena antsika, sa tsy izany?

Nanao fahagagana mba hanampiana ny olona hino Azy i Jesôsy nandritra ny asa fanompoana rehetra nataony teto an-tany. Nirakitra an-tsoratra ireny fahagagana ireny i Jaona mba hinoan'ny hafa koa an'i Jesõsy.

.

Vakio ny Jao. 4:46-54. Nahoana llay mpanoratra ny filazantsara no nampifandray io fahagagana io amin'llay fanasana fampakaram-bady?

.

Namerina niresaka momba ny famantarana voalohany nataon'i Jesõsy tao Kana i Jaona raha nitantara ny famantarana faharoa nataon'i Jesõsy tany Galilia. Toa te hilaza izy hoe: "hanampy anao hahita ny maha-Andriamanitra an'i Jesõsy ireo famantarana nataony." Rehefa izay, dia nanampy izy hoe: "Izany no famantarana faharoa nataon'i Jesosy, fony izy tonga tany Galilia avy tany Jodia. Jao. 4:54.

.

Tamin'ny voalohany, dia toa henjana ny valin-tenin'i Jesôsy manoloana ny fangatahan'ilay tandapa. Nataon'io manam-boninahitra io ho mason-tsivana hinoana an'i Jesôsy anefa ny fahasitranan'ny zanany lahy. Hitan'i Jesôsy ny tao am-pony ary notendreny ny aretim-panahy tao anatiny izay lalina kokoa noho ny aretina saika nahafaty ny zanany lahy. Tahaka ny tselatra namakivaky ny lanitra manga no nahatsapan'ity lehilahy ity tampoka fa mety hamoizany ny ain'ny zanany ny fahantrany ara-panahy.

.

Zava-dehibe tokoa ny fanekena fa tsy ny fahagagana amin'ny maha-fahagagana azy no manaporofo ny maha-Mesía an'i Jesôsy. Misy olona hafa manao fahagagana mantsy: misy amin'ireny no mpaminany marina fa misy kosa ny sandoka. Ny fahagagana dia maneho fotsiny ny fisian'ny hery ambonin'ny an'olombelona saingy tsy midika izany fa Andriamanitra no manatanteraka azy. (Afaka manao "fahagagana" i Satana, raha toa ka "fahagagana" no iantsoantsika ny asa maneho ny hery ambonin'ny an'olombelona).

.

Niantoraka nitalaho ny famindrampon'i Jesôsy ilay tandapa resin-tebiteby, nangataka ny hanasitranana ny zanany. Feno toky ny valin-tenin'i Jesôsy. Hoy Izy: "Andeha mody; velona ny zanakao" Jao. 4:50. Amin'ny filazam-potoana ankehitriny ny matoanteny "velona" amin'ny teny grika (filazam-potoana hoavy amin'ny ankehitriny izany, izay iresahana momba ny toe-javatra iray amim- pahazoana antoka, toy ny hoe efa mitranga ilay toe-javatra). Tsy nihazakazaka nody ilay lehilahy, na dia nino an'i Jesôsy aza, fa ny ampitson'io izy vao nody - hitany tamin'izay fa tamin'ny fotoana nilazan'i Jesôsy ireo teny ireo indrindra no nialan'ny tazo tamin'ilay zanany lahy.

.

Antony iray goavana tokoa izany mba hinoana an'i Jesôsy!

.

Na dia mahita fahagagana aza isika, Inona ny fepetra hafa tokony hojerentsika alohan'ny hilazana fa avy amin'Andriamanitra Izany?

Tao amin'ny farihin'i Betesda no nitrangan'ny famantarana manaraka izay noraketin'i Jaona (Jao. 5:1-9). Ninoan'ny olona fa misy anjely manetsika ny rano ka izay marary voalohany tafidina ao anatin'ny rano dia sitrana. Vokatr izany dia nitangorona teo amin'ny sisin'ny farihy ireo izay nanantena fanasitranana amin'ny fisehoana manaraka. Nankany Jerosalema i Jesősy, ary nahita ireo vahoaka betsaka niandry teo Izy raha nandalo teo anilan'ilay farihy.

.

Nanao ahoana re ny fahitana izany toe-javatra izany! Indro vahoaka marobe, izay azo antoka fa narary mafy ny sasany tamin'izy ireo, niandry fatratra ny fanasitranana tao amin'ilay rano, izay azo antoka fa tsy hisy mihitsy. Fotoana lehibe fanararaotra ho an'i Jesôsy izany!

.

Vakio ny Jao. 5:1-9. Nahoana i Jesôsy no nanontany an'llay lehilahy mararin'ny paralysisa raha toa izy te ho sitrana kanefa mazava loatra fa nanity ny ho sitrana ny olona rehetra teo amoron'ny farihy (Jao. 5:6)?

.

Rehefa narary nandritra ny fotoana maharitra ny olona iray ary tonga zava- mahazatra azy ny aretina, dia mety tsy mampahazo aina azy indray ny hiala amin'izany tsy fahatomombanana izany (na dia toa hafahafa aza ny fiheverana izany toe-javatra izany). Hita taratra tamin'ny valin-tenin'ilay lehilahy kosa ny faniriany ho sitrana. Izao anefa no olana: tany amin'ny toerana tsy tokony handehanany no nitadiavany fanasitranana nefa Ilay nanao ny tongotr'olombelona no nijoro manoloana azy. Tsy fantatr'ity lehilahy ity Ilay niresaka taminy; taorian'ny fahasitranany vao azo heverina fa nanomboka nahatakatra ny maha-Olona manokana an'i Jesôsy izy.

.

"Tsy nangataka an'ity olona mijaly ity haneho finoana Azy i Jesosy. Hoy fotsiny Izy: 'Mitsangana, ento ny fandrianao, ka mandehana.' Nihazona izany teny izany anefa ny finoan-dralehilahy, dia indro fa nisy aina vao nampihetsiketsika ny retsika sy ny hozatra tsirairay, ary nisy vokany mahasalama teo amin'ireo rantsam-batany malemy tsy afa- nihetsika izany. Tsy nihambahamba iży fa nisafidy avy hatrany ny hankato ny baikon'i Kristy, ary nanaiky ny sitrapony ny hozatra rehetra tamin'ny tenany. Nitsamboatra y fa kingakinga nitsangana izy ka hitany tamin'izay fa ery ny fihetsiny.

.

Tsy nanome toky azy ny hisian'ny fanampian'Andriamanitra i Jesősy. Azon- dralehilahy natao ny nihazohazo, ka ho very eo ny hany fotoana mety hahasitrana azy. Nino ny tenin'i Kristy anefa izy, ka ny fanatanterahany izany no nahazoany hery." - IFM, t. 150, ed. 2023.

.

Taorian'izay no nihaonan'ı Jesõsy tamin'ilay lehilahy tao amin'ny tempoly ary nilazany taminy hoe: "Indro, efa sitrana hianao; aza manota intsony, fandrao hanjo anao izay ratsy noho ny teo." - Jao. 5:14. Inona no ifandraisan'ny aretina sy ny fahotana? Nahoana isika no tokony hahatakatra fa tsy ny aretina rehetra no vokatra mivantan'ny fahotana voafaritra iray eo amin'ny fiainantsika?

Tsy manaporofo ny maha-avy amin Andriamanitra azy ny famantarana sy ny fahagagana; etsy ankilany anefa dia mampidi-doza ny fandavana izany raha toa ka avy amin Andriamanitra.

.

Vakio ny Jao. 5:10-16. Inona ny lesona azontsika sintonina avy amin'ny hamafin'ny fon'ireo mpitondra fivavahana manoloana an'i Jesősy sy ny fahagagana vao nataony, hamafisam-po izay mahavarlana tokoa?

.

Rehefa nampahafantatra ny Tenany tamin'ilay lehilahy nositraniny i Jesõsy dia nambaran-dralehilahy tamin'ireo mpitondra fivavahana avy hatrany fa i Jesõsy no nanasitrana azy. Mety hieritreritra isika fa fotoana tokony hiderana an'Andriamanitra izany. Tsy izany anefa no nataon'ireo mpitarika fa "nanenjika ani Jesosy [izy ireo], satria nanao izany zavatra izany tamin'ny Sabata Izy." - Jao. 5:16.

.

Ao anatin'ny fahamehana tanteraka ihany vao azo natao ny nanasitrana amin'ny Sabata tamin'izany andro izany. Efa nandritra ny 38 taona no nampalemy an'io lehilahy io ka tsy maika, araka izany, ny fanasitranana azy. Ankoatra izany, inona moa no nilana ny fibaikoana azy ny mba hitondrany ny fandriany? Noheverin'ny olona fa ny olona izay nomen'Andriamanitra fahefana hanao fahagagana toy izany dia hahalala fa tsy azo atao ny mibata fandriana rehefa Sabata. Hita mazava fa nanao izay hitondrana azy ireo lalindalina kokoa ho eo amin'ny fahamarinana ara-Baiboly i Jesôsy, fa tsy hijanona eo amin'ny didy amam-pitsipik'olombelona izay manafoana ny finoana tena izy indraindray.

.

Inona no ampianarin'Ireo tantara roa ireo momba ny mety hamafin'ny fon'olona eo amin'ny lafiny ara-panahy na dia eo anatrehan'ny porofo maro aza? (Jao. 9:1-16; Mar. 3:22,23; Mat. 12:9-14). Nahoana àry no dia jamba tahaka izany ireo mpitondra fivavahana ireo?

.

Ny fony feno fahalovana no anton'izany, ny finoana diso notanany momba ny Mesia izay hanafaka azy amin'ny Rômanina ary ny fitiavany fahefana sy ny tsy fahampian'ny fanoloran-tenany ho an'Andriamanitra. Ireo rehetra ireo no nahatonga azy ireo hanosi-bohon-tanana ny fahamarinana izay teo anoloany indrindra.

.

Vakio ny Jao. 5:38-42. Inona ny fampitandremana nataon'i Jesõsy? Inona ny lesona azontsika sintonina avy amin'ireo teny ireo? Izany hoe, inona ao anatintsika no mety manajamba antsika tsy hahita ny fahamarinana tokony ho fantatsika sy hampiharintsika eo amin'ny fiainantsika?

Fotoana nety indrindra nahafahan'i Jaona nanasongadina ny maha-lzy an'i Jesõsy ny fahagagana tao amin'ny farihin'i Betesda. Andininy miisa sivy no nentiny nilazalaza momba io fahagagana io ary andininy 40 teo ho eo kosa (jereo eo ambany) no nentiny nilazalaza ny momba Ilay nanatanteraka izany fahagagana izany.

.

Vakio ny Jao. 5:16-18. Nahoana I Jesõsy no nenjehina noho ny zavatra nataony tamin'ny Sabata?

.

Mety ho hafahafa ny Jao. 5:18 satria toy ny milaza izany fa nandika ny Sabata i Jesõsy. Rehefa dinihina akaiky anefa ny Jao. 5:16-18 dia hitantsika ny fanambaran'i Jesõsy fa ny "asa" nataony tamin'ny Sabata dia nifanindran-dalana tamin'ny fifandraisany amin'ny Rainy. Tsy mampitsahatra ny famelomany an'izao tontolo rehetra izao Andriamanitra rehefa Sabata. Araka izany, ny fihetsika nataon'i Jesõsy tamin'ny andro Sabata dia anisan'ny fanehoany ny maha-Andriamanitra Azy. Nanenjika Azy ireo mpitondra fivavahana noho ny amin'izay noheverin izy ireo ho fandikana ny Sabata sy ny fanambarany ny fitoviany amin Andriamanitra.

.

.

Vakio ny Jao. 5:19-47. Inona no nambaran'i Jesôsy mba hanampiana ireo mpitarika hahita Azy araka izay tena toeny tokoa, fanambarana momba ny Tenany izay niseho tamin'ny fomba miezinezina tamin'ny alalan'ny fahagagana izay vao avy nataony?

.

Dingana telo no nentin'i Jesôsy niaro ny asa nataony. Voalohany, nohazavainy ny fifandraisana ety ananany amin'ny Ray (Jao. 5:19-30). Ambaran'i Jesosy fa miasa amim-pirindrana amin'ny Rainy Izy; nolazainy mihitsy aza fa manana fahefana hitsara sy hanangana ny maty Izy (Jao. 5:25-30).

.

Faharoa, niantso "vavolombelona" efatra nifandimby izay manambara Azy i Jesôsy taorian'ny fiarovan-tenany: (1) i Jaona Mpanao batisa (Jao. 5:31-35); (2) ny fahagagana nataony (Jesôsy) (Jao. 5:36); (3) Andriamanitra Ray (Jao. 5:37.38); ary (4) ny Soratra Masina (Jao. 5:39). Samy manao fanambarana mikasika an'i Jesôsy ireo "vavolombelona" ireo.

.

Farany, ahariharin'i Jesōsy manoloana ireo mpiampanga Azy ny fahamelohan'izy ireo, ao amin'ny Jao. 5:40-47, izay anehoany ny fahasamihafana eo amin'ny Asany sy ny fitadiavan'izy ireo ny tombontsoany manokana. Nambaran'i Jesõsy fa i Mosesy izay nítokian'izy ireo no hanameloka azy (Jao. 5:45-47).

.

Ahoana no hitandremantsika mba tsy ho lavo ao anatin'ny fandriky ny finoana an'Andriamanitra, na ny fananana ny foto-pampianarana marina mihitsy aza, kanefa tsy manana fileferana tanteraka amin'i Kristy? Ento ao amin'ny kilasy ny valin-teninao amin'ny Sabata.

"Tsy nanome toky azy ny hisian'ny fanampian Andriamanitra i Jesősy. Azon-dralehilahy natao ny nihazohazo, ka ho very eo ny hany fotoana mety hahasitrana azy. Nino ny tenin'i Kristy anefa izy, ka ny fanatanterahany izany no nahazoany hery."

.

"Amin'ny alalan'ny finoana toy izany dia azontsika atao ny hahazo fanasitranana ara- panahy. Noho ny ota dia tafasaraka tamin'ny fiainan Andriamanitra isika. Malemy tsy afa- mihetsika ny fanahintsika. Raha isika ihany dia tsy vitantsika ny miaina amin'ny fiainana masina tahaka ny tsy hahavitan'ilay lehilahy malemy mandeha. (...) Aoka ireo olona kivy, mitolona, ireo hitraka. Miondrika eo amin'ireo novidiny tamin'ny rany ny Mpamonjy, miteny aminy amim-pitiavana sy amim-pangorahana manao hoe: 'Te ho sitrana va hianao?" Mibaiko anao Izy mba hitsangana salama sy miadana finaritra. Aza miandry ny hahatsapa hoe sitrana ianao. Inoy ny teniny, dia ho tanteraka izany. Apetraho hiandany amin'i Kristy ny sitraponao. Mikasa hanompo azy, fa amin'ny fanatanterahanao ny teniny dia hahazo hery ianao. Na inona na inona fanao ratsy, ny firehetam-po nomena fahafaham-po ela, mamatotra ny fanahy sy ny vatana, dia azon'i Kristy atao sady iriny indrindra ny hanafaka sady in amin'izany. Homeny fiainana ny fanahy izay 'matin'ny fahadisoany' - Efes. 2:1. Hanafaka ny babo izay hazonin'ny fahalemena sy ny fahoriana ary ny gadran'ny fahotana Izy." - IFM, tt. 150,151.

.

"Nolavin'i Jesosy ny fiampangana Azy ho niteny ratsy an'Andriamanitra. Ny fahefako, hoy Izy, hanao ny asa izay iampanganareo Ahy, dia satria Izaho no Zanak'Andriamanitra, iray toetra Aminy, ao amin'ny sitrapo sy eo amin'ny fikasana." - IFM, t. 155.

.

FANONTANIANA hifanakalozan-kevitra
1. Saintsaino ny lesona mandritra ity herinandro ity. Ny finoana no tsiambaratelo nahatanteraka ireo fanasitranana ireo. Naneho fisalasalana sy tsy finoana mampidi-doza kosa ireo mpitondra fivavahana. Nahoana isika no tsy tokony hanafangaro ny fametrahana fanontaniana (izay ataon'ny rehetra) sy ny fisalasalana? Nahoana no samy hafa izany, ary nahoana no manan-danja ny fahaizana manavaka ireo?

2. Jereo ny fanontaniana farany ao amin'ny fizarana Alakamisy. Amin'ny maha- Advantista Mitandrina ny Andro Fahafito antsika, nahoana isika no tokony hitandrina ny amin'izany zavatra mampidi-doza izany? Na dia zava-dehibe aza ny fahalalana sy ny fitandremana ny andro Sabata, na koa ny fahafantarana ny toetry ny maty, nahoana ireo fahamarinana ireo no tsy mahavonjy antsika? Inona no mahavonjy, ary amin'ny fomba ahoana?

3. Diniho tsara ny Jao. 5:47. Ireo izay mandà ny Safodrano ho nanenika an'izao tontolo izao na ny Famoronana nandritra ny enina andro ara-bakiteny dia manao ny zavatra izay nampitandreman'i Jesôsy eto, amin'ny fomba ahoana?