Nankatò ireo fitakian'ny lalàna rehetra i Kristy (... ) Nanome fomba handresena ny fahotana rehetra sy hanoherana ny fakam-panahy rehetra, na toy inona na toy inona herin'izany, ny drafi-panavotan'Andriamanitra. Izao no voasoratra: « Fantatsika fa izay rehetra naterak'Andriamanitra dia tsy manota; fa izay naterak'Andriamanitra, dia miaro ny tenany* ka tsy mikasika azy akory ilay ratsy. [* Na: Ilay naterak'Andriamanitra no miaro azy] » (1 Jaona 5:18) ary koa « Izay rehetra naterak'Andriamanitra no tsy manota, satria ny voany mitœtra ao anatiny, ary tsy mahay manota izy, satria naretak'Andriamanitra. » (1 Jaona 3:9)
Noho I Jesosy nankato, tsy mba niaina fahotana,
Dia ho azontsika atao koa, ny tsy manota, tan-dalàna.
Raha toa ka sitrapo voasarona, ho amin’ny sitrapon’ny Tompo,
Ny safidy izay akarina, amin’ny fo tena manompo.
Raha manaiky sy mitandro, ny tari-dalany isika.
Dia hanoro lalana isan’andro, ny Fanahy izay omeny antsika
Ka manjary tafaray amin’ny Azy ny fisainana,
Ny eritreritra amin’izay, dia Jesoa no antom-piainana.
Tsy misy ny fanamelohana, satria efa ao amin’I Kristy,
Fanamarinana no hiantohany, ho an’ny fo izay tena tia.
Amin’izay ny Tompo raha mijery, izay rehetra momba antsika,
Dia ny Tenany irery, no indro tazany ao amintsika.
NA INONA NA INONA TSINDRY MITAMBESATRA AMIN'NY FANAHY, DIA ASA MIANKINA AMIN'NY SAFIDINTSIKA MANOKANA NY HANDIKA LALÀNA. NA NY TANY NA NY HELO DIA TSY MANANA FAHEFANA HANERY ANTSIKA HANOTA. TSY MAINTSY HO NANAIKY HANAO IZANY ISIKA, ARY NILEFITRA TEO AMIN'NY FAHOTANA NY FO, RAHA TSY IZANY DIA TSY HANDRESY NY FAHAIZA-MANDANJALANJA NY FIREHETAM-PO, ARY TSY HANDRESY NY FAHAMARINANA NY FAHOTANA. TSY ILAINTSIKA NY HITANA IREO FIRONANA FENO FAHOTANA AO ANATINTSIKA NA DIA IRAY AZA (...) REHEFA MIRAY AMIN'NY FOMBAN' ANDRIAMANITRA ISIKA, DIA VOAISOTRA TSY HO AO AMIN'NY TOETRANTSIKA NY FIRONANA NOLOVANA TAMIN'NY RAZANA SY IREO NAMBOLENTSIKA, ARY TONGA HERY VELONA HIASA HO AMIN'NY TSARA ISIKA. MIARA-MIASA AMIN'ANDRIAMANITRA ISIKA HANDRESY NY FAKAM-PANAHIN'I SATANA AMIN'NY FIANARANA MANDRAKARIVA EO AMIN'LLAY MPAMPIANATRA AVY ANY AN-DANITRA SY AMIN'NY FIRAISANA AMIN'NY FOMBANY. MIASA ANDRIAMANITRA ARY MIASA KOA NY OLONA, MBA HAHATONGA NY OLONA HO IRAY AMIN'I KRISTY TAHAKA AN'I KRISTY IRAY AMIN'ANDRIAMANITRA. REHEFA IZANY DIA HIARA-MIPETRAKA AMIN'I KRISTY ANY AN-DANITRA ISIKA. AMIN-TOKY SY FIADANANA NO ITOERAN'NY FANAHINTSIKA AO AMINY
Add comment
Comments